عمار يبحث في قوانين السويد, الجزء الأول

مرحبا عمار, شكلك فهمان بموضوع الجمارك تعال خبرني كيف بقدر استورد بضاعة من المانيا

اول شي انت معفية من رسوم الجمرك وحتى مو مطلوب منك تعملي تصريح جمركي.
تاني شي بدك تتأكدي من علامة CE على البضاعة.

وشو هيي علامة CE.

هي العلامة التي بتأكّدلك إنّه المنتج متوافق مع المتطلبات الصحية والبيئية.

إي تمام هيك فهمت عليك, طيب فيّي جيب أي نوع بضاعة متل كريمات الشعر مثلاً.

طبعاً أي نوع بضاعة موجود بأيّ دولة من دول الاتحاد الاوروبي بتقدري تستورديها على السويد.  بس لازم تتأكّدي لأنّه احيانا بيكون في نوع محظور بالسويد لاسباب معينة, منشان هيك بنصحك تتواصل مع مجلس التجارة kommerskolleguim وهنن بيخبروكي إذا ممنوع أو لاء.

وكيف بقدر اتواصل معهم وكيف.

رح ارتكلك زر تحت اضغطي عليه وبتروحي على موقعهم, بيكلفولك شخص اسمه Kontaktpunkten احفظي هالاسم لتستخدميه بالتواصل.

حلو هالحكي, طيب شو منشان ضريبة moms.

طبعا إنتي معفاة من الضريبة moms إذا استوردتي من أي دولة من دول الاتحاد الاوروبي, طبعا لازم تكوني عم تشتري من شركة مو من شخص عادي, يعني قصدي اتأكدي إنه التاجر اللي عم تشتري منه معه رقم moms بدولته. 

مارح كتّر عليك أسئلة, كلامك كتير مفيد وأنا بشكرك ورح تابع مقالاتك لتزيد خبرتي بالسويد وصير اعرف اكتر بالقوانين بركي بيصير عندي شركة خاصة لأنّي حابة يصير عندي ثروة بيكفي وظيفة عند الناس.

أكيد, كل ما عرفتي أكتر بتتولّد الفكرة وبيصير الموضوع اسهل وراس المال أقل, وبيجوز ما تحتاجي يكون معك راس مال. وأنا كمان بحب اشكرك على الاستماع.